રથયાત્રા પહેલા પોલીસ વિભાગ સજ્જ, DGP વિકાસ સહાયે કરી બેઠક
અમદાવાદ શહેરમાં યોજાનાર આગામી રથયાત્રા પહેલા પોલીસ વિભાગ સજ્જ બન્યો છે. શહેરમાં રથયાત્રાના રોડ પર પોલીસવાળા પેટ્રોલિંગ તો કરવામાં આવી રહ્યું છે પરંતુ પોલીસ માટે રથયાત્રા એ સૌથી મોટી અને મહત્વની ગણાતી ઇવેન્ટ માનવામાં આવે છે. ત્યારે રાજ્યના પોલીસવડા ખુદ અમદાવાદ શહેર પોલીસ કમિશનર કચેરી ખાતે રથયાત્રા પૂર્વેની તૈયારીઓ અંગેની સમીક્ષા કરવા માટે પહોંચ્યા.
આગામી દિવસોમાં ક્રાઈમ કોન્ફરન્સનું પણ આયોજન કરવામાં આવી રહ્યું છે. જે સંદર્ભે પણ તૈયારીઓની રાજ્યના પોલીસવડા વિકાસ સહાયે કરી. અમદાવાદ શહેર પોલીસ કમિશનર કચેરી ખાતે યોજાયેલી આ બેઠકમાં અમદાવાદ શહેર પોલીસ કમિશનર સહિત સેક્ટરના અઘિકારીઓ, ઝોનના ડીસીપી, કંટ્રોલ રૂમના અધિકારી, ટ્રાફિક પોલીસના અધિકારીઓ હાજર રહ્યા. રથયાત્રા માટે માત્ર અમદાવાદ નહીં પરંતુ આસપાસના મોટાભાગના જિલ્લાની પોલીસની મદદ પણ લેવામાં આવતી હોય છે. આગામી 20મી જૂન ના રોજ અમદાવાદ શહેરમાં વિશ્વપ્રસિદ્ધ રથયાત્રા યોજવાની છે , જેમાં લાખોની સંખ્યામાં ભક્તો જોડાતા હોય છે. રથયાત્રાને હેમખેમ રીતે પૂરી પાડવી એ પોલીસ વિભાગ માટે મોટો પડકારો હોય છે જે પાછલા કેટલાક વર્ષોમાં અમદાવાદ શહેર અને ગુજરાત પોલીસ દ્વારા સફળતાપૂર્વક પાર પડવામાં આવે છે.
આ પણ વાંચો - વાલી સાવધાન ! 8 વર્ષની બાળકીના પેટમાં વાળના ગુચ્છાએ વિશાળ સ્વરૂપ ઘારણ કર્યું
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
અહેવાલ - પ્રદિપ કચિયા