પરિણીત યુવકે સાથે કામ કરતી યુવતીને બનાવી હવસનો શિકાર, યુવતીને ગર્ભ રહી જતાં યુવકે આપ્યો દગો

અમદાવાદનાં સરદારનગર પોલીસ સ્ટેશન વિસ્તારમાં આવતા કુબેરનગરમાં 20 વર્ષીય યુવતીએ પ્રેમી સામે દુષ્કર્મની ફરિયાદ નોંધાવી છે. યુવકે પ્રેમજાળમાં યુવતીને ફસાવી 2 વર્ષ સુધી અલગ અલગ જગ્યાઓ પર લઈ જઈ દુષ્કર્મ આચર્યું હતું. યુવક પોતે પરિણીત હોવાથી પોતાની પત્નિને  છૂટાછેડા આપવાની વાત કરી યુવતી સાથે લગ્નની લાલચ આપી પરંતુ અંતે દગો આપ્યો હતો.

સરદારનગરમાં સંતોષીનગરમાં રહેતી 20 વર્ષીય સારિકા  (નામ બદલેલ છે) 2 વર્ષ પહેલા કુબેરનગર વિસ્તારમાં આવેલી બેવરેજીસની કંપનીમાં પાણીની બોટલો ભરવાની નોકરી કરતી હતી. ત પાણીની બોટલો ભરીને ગાડીમાં લઈ જવાનું કામ કરતા ડ્રાઈવર ચલાજી ગાંડાજી ઠાકોર સાથે મુલાકાત થઈ હતી.  જે બાદ ચવાજી ઠાકોરે યુવતી સાથે પ્રેમ કરતો હોવાનું જણાવી લગ્નની વાત કરી હતી. જે બાદ યુવતીએ તેની સાથે પ્રેમસંબંધ બાંધતા યુવક તેને અલગ અલગ હોટલોમાં લઈ જતો અને શારિરીક સંબંધ બાંધતો હતો.

આરોપી સાથેના સંબંધોના કારણે સારિકા 3 વખત ગર્ભ પણ રહી ગયો હતો, જોકે ચવાજી ઠાકોરે યુવતીને ફોસલાવી દેશી ઉપચારથી ગર્ભ પડાવી નાખ્યો હતો. 26 સપ્ટેમ્બર 2022 ના રોજ ચવાજી ઠાકોરે સારિકાને નાના ચીલોડા પાસેની જ્યોતી હોટલમાં બોલાવી તને બહુ પ્રેમ કરુ છુ અને હું મારી પત્નિને છુટાછેડા આપી દઈશ તેમ કહીને શારિરીક સંબંધ બાંધવા દેવાની વાત કરી હતી જેમાં સારિકાએ ના પાડતા આરોપીએ જબરદસ્તી તેની મરજી વિરુધ્ધ તેની પર દુષ્કર્મ ગુજાર્યું હતું. 

જે બાદ આરોપીએ સારીકાને નાના ચિલોડા ખાતે મુકીને પોતાના ઘરે આવવા માટે કહ્યુ હતુ. જે બાદ સારિકા ચવાજી ઠાકોરના ઘરે ગઈ હતી તે સમયે આરોપીએ મારા લગ્ન થઈ ગયા છે હું તારી સાથે લગ્ન કરવાનો નથી તેમ કહીને ઝધડો કરીને માર માર્યો હતો. જેના કારણે સારિકાને છાતીમાં દુખાવો થતા ખાનગી હોસ્પિટલમાં સારવાર કરાવી યુવતી ઘરે ગઈ હતી.આ મામલે પરિવારને જાણ કરતા સરદારનગર પોલીસ સ્ટેશનમાં ચવાજી ઠાકોર સામે ફરિયાદ નોંધાવતા પોલીસે ગુનો નોંધી તેની ધરપકડ કરી તપાસ શરૂ કરી છે.